Историја

Комерцијално Инвестициона Банка АД Куманово (сегашна Статер Банка) е основана во 1955 година. На почетокот функционираше на подрачјето на град Куманово, а од 1 jануари 1973 банката беше трансформирана во филијала на Стопанска Банка Скопје. На 31 jануари 1990 Стопанска Банка АД Скопје беше формирана, а Стопанска Банка Куманово стана нејзина филијала. На 15 jуни 1995 оваа филијала се оддели од Стопанска Банка АД Скопје како резултат на трансформацијата на Банкарскиот систем во Македонија.

При крајот на 2007 година Милестоне откупи 75,9 % од обичните акции на банката, и по успешната аквизација, на Собранието на акционери беше одлучено да се распише нова емисија на акции за познат купувач со цел постигнување на капиталниот цензус за вршење на сите банкарски активности. Во април 2008 беа запишани 215.000 акции во вкупна вредност од 369.800.000,-денари и учеството на Милестоне во сопственичката структура се зголеми за 90,98%.

Освен зголемувањето на капиталот, Милестоне и менаџментот на банката спроведуваат широк спектар на мерки за реструктурирање на банкатa преку проширување на палетата на производи и услуги кои ќе им се нудат на клиентите, иницирање на разумен и добро структуриран систем за менаџирање на ризикот , имплементирање на ИТ систем и проширување на мрежата на филијали низ Македонија. Милестоне исто така го унапреди работењето на телата на управување на Статер Банка, изврши промени во организационата структура, иницира континуирана обука на вработените, усвои нови политики и процедури и донесе нов и поширок маркетинг микс кој ќе овозможи на Статер Банка да постигне разумни резултати за нејзините акционери.